Madrilgo Mariemma Dantza Kontserbatorio Profesionaleko ikasle izan ondoren, Metamorfosis konpainiarekin hasi zen lanean, geroago Dantzan Madril Jaialdian dantzatuko zuen eta Lisboara eta Medellinera (Kolonbia) joan zen. Graduatu eta hilabete gutxira, kontratu bat lortu zuen Baionako Illicite konpainian, eta Frantzia eta Portugalen aritu zen.

Gogo handia du Pauso-k eskolara itzultzeko eta urte hauetan ikasitako guztia, diziplina, iraunkortasuna eta profesionaltasuna irakatsi ahal izateko. Fisikalitatean eta norberaren ezagutza anatomikoaren bidezko mugimenduaren ikerketan oinarritzen da bere teknika.